Latest Post



बदलापूर-कैलास जाधव

सांस्कृतिक आणि शैक्षणिकदृष्ट्या विकसित होणारे शहर म्हणून बदलापूरकडे पाहिले जात आहे. मात्र याच बदलापूर शहरात संविधानाचे शिल्पकार डॉ. बाबासाहेब आंबेडकर यांचे सोनिवली येथील स्मारक एका तपानंतरही पूर्ण होऊ शकले नाही.

गेल्या १५ वर्षांपासून रखडलेल्या बदलापूर पश्चिमेतील डॉ. बाबासाहेब आंबेडकरांच्या स्मारकासाठी आंबेडकरी अनुयायांनी बदलापूर नगरपालिकेच्या मुख्यालयावर आज मूक मोर्चा काढून धडक दिली. विविध कारणांमुळे रखडलेल्या या स्मारकाच्या कामाला गती मिळावी, स्मारक समिती हटवावी आणि प्राथमिक सोयी सुविधा उपलब्ध करून देण्यात याव्यात यासाठी निघालेल्या या मूक मोर्चात शेकडो आंबेडकर अनुयायींसह भीमसैनिक सहभागी झाले होते.

जातीय तिढा मिटवण्यासाठी आदर्श असलेला एक प्रयोग १९२७ साली बदलापूरात झाला होता. बदलापूरातील शिवजयंतीसाठी पांडुरंग भास्कर पालये शास्त्री यांनी डॉ बाबासाहेब आंबेडकरांना आमंत्रित केले होते. यावेळी डॉ. आंबेडकरांनी बदलापूरात मुक्कामही केला होता. याच आठवणी कायम रहाव्यात यासाठी बदलापूरातील सोनिवली येथे स्मारक बांधण्याचा प्रस्ताव मांडण्यात आला होता. बौद्ध मंदीर, वाचनालय, सभागृह, पुतळा, निवास व्यवस्था, उद्यान अशा अनेक गोष्टींचा समावेश करून आराखडा तयार करण्यात आला होता. गेल्या १५ वर्षांपूर्वी या स्मारकाच्या कामाला सुरूवात झाली. मात्र अद्याप या स्मारकाचा फक्त सांगाडा उभा करण्यात यश आले आहे. याच्या निषेधार्थ बदलापूरात आज आंबेडकरी अनुयायांनी मूक मोर्चा काढला.


डॉ. बाबासाहेब आंबेडकरांच्या या स्मारकाची नोंद गिनिज बुकमध्ये करावी अशी फलकबाजी करत आंदोलकांनी मोर्चा काढला होता. शाम गायकवाड यांनी या मोर्चाचे नेतृत्व केले. यानंतर कुळगाव बदलापूर नगरपालिकेचे मुख्याधिकारी प्रकाश बोरसे यांनी मोर्चेकऱ्यांचे निवेदन स्विकारले. यावेळी बोलताना बोरसे यांनी स्मारकाच्या ठिकाणी १५ दिवसांच्या आत सुरक्षा रक्षक, वीज आणि पाणी देण्यात येईल असे आश्वासन दिले. तसेच सार्वजनिक बांधकाम विभागाच्या आराखड्यानुसार पालिकेच्या निधीचा वाटा देण्यात येईल, असेही बोरसे यांनी स्पष्ट केले. 



कैलास जाधव
उल्हासनगर : लोकलच्या महिला डब्यातील दारात गर्दी असल्याने दारातून पडून एका 19 वर्षीय तरुणीचा मृत्यू झाल्याची दुर्दैवी घटना उल्हासनगर रेल्वे स्थानकाजवळ घडली आहे.कॅम्प नंबर 4 सुभाष टेकडी मध्ये तक्षशिला शाळेजवळ राहणारे भाजीचा व्यवसाय करणारे जीवन सुरडकर यांनी हलाखीच्या परिस्थितीत त्यांची मुलगी संजना सुरडकर हिला नर्सिंगचा कोर्स लावला होता. त्यासाठी संजना ही नाहूरला जात होती. आज सकाळी नेहमी प्रमाणे संजना 11 वाजण्याच्या सुमारास उल्हासनगर रेल्वे स्थानकातून नाहूरला जाण्यासाठी लोकलच्या महिला डब्यात चढली.  मात्र दारातच अधिक गर्दी असल्याने संजनाचा तोल गेला आणि ती उल्हासनगर स्थानकाच्या काही अंतरावर दारातून डोक्यावर पडली.त्यात तिचा जागीच मृत्यू झाला. याप्रकरणी कल्याण लोहमार्ग पोलीस ठाण्यात अकस्मात मृत्यूची नोंद करण्यात आली आहे.

सुरडकर परिवार हा सर्वपरिचित असल्याने आणि संजनाचा लोकल मधून पडून मृत्यू झाल्याचे समजताच परिसरात शोककळा पसरली आहे. काल सायंकाळी 7 वाजता संजनावर शोकमग्न वातावरणात अंतिम संस्कार करण्यात आले.यावेळी आजी माजी नगरसेवक,समाजसेवक,समाजसेविका,संजनाचे वर्ग मित्र, मैत्रिणी, मोठ्या संख्येने सहभागी झाले होते.


धारावीतील इतिहासात एखाद्या  पक्षातर्फे प्रथमच एवढ्या मोठ्या प्रमाणात भव्य दिव्य कला व क्रीडा महोत्सव साजरा करण्यात आला. 

मुंबई 


महाराष्ट्रातील गोरगरीब सामान्य कुटुंबातील मुलांच्या कलागुणांना वाव मिळण्यासाठी आणि आजच्या पिढीला व्हिडीओ आणि मोबाईल गेम मधून बाहेर पडून त्यांनी मैदानी खेळ खेळावेत जेणेकरून त्यांच्या शारीरिक आणि बौद्धिक क्षमतेची वाढ व्हावी याकरिता राज्याचे मुख्यमंत्री  देवेंद्र फडणवीस यांनी "CM चषक" या नावाने देशातील सर्वात मोठा कला व क्रीडा महोत्सव संपुर्ण महाराष्ट्रात भारतीय जनता युवा मोर्चाच्या माध्यमाने राबविला आहे.

धारावीत या चषकाचे "पालक" म्हणून भाजपच्या तरुण,तडफदार, युवा नेत्या, मुंबई सचिव श्रीमती दिव्या ढोले यांच्यावर ही जबाबदारी सोपवली होती. मुख्यमंत्र्यांनी दिव्या ढोले यांच्यावर दाखवलेला विश्वास सार्थ ठरवत त्यांनी धारावी युवा मोर्चा अध्यक्ष दीपक सिंग आणि त्यांच्या सहकाऱ्यांच्या मदतीने धारावीत CM चषक  अत्यंत भव्य दिव्य स्वरूपात यशस्वी केला. दि. 30 नोव्हेंबर ते 2 डिसेंबर या दरम्यान शाहू नगर येथे भव्य क्रिकेट सामन्यांचे आयोजन करण्यात आले होते. या सामन्यांचे उद्घाटन भाजप मुंबई अध्यक्ष, आमदार श्री आशिष शेलार यांच्या हस्ते झाले. तसेच या सामन्यांसाठी मुंबई युवा मोर्चा अध्यक्ष श्री मोहित कंबोज, भाजप मुंबई महामंत्री श्री अमरजित मिश्रा, जिल्हाध्यक्ष श्री अनिल ठाकूर उपस्थित होते.

दि.09 डिसेंबर रोजी धारावी स्पोर्ट्स क्लब येथे कॅरम, धावणे, कुस्ती, रांगोळी, गायन आणि नृत्य स्पर्धा आयोजित केल्या होत्या, यांचे उद्घाटन जिल्हाध्यक्ष श्री अनिल ठाकूर यांच्या हस्ते झाले. अनेक स्पर्धकांनी यात सहभाग घेतला. याच दिवशी संत कक्कय्या मार्ग येथे सकाळपासूनच भव्य कबड्डी सामन्यांचे आयोजन करण्यात आले होते. यामध्ये धारावीतील 2 महिला संघासहित एकूण 40 संघ सहभागी झाले होते. या कबड्डी सामन्यांसाठी भाजप महाराष्ट्र प्रदेश उपाध्यक्ष , आमदार मा. श्री प्रसाद लाड, सौ. नीता प्रसाद लाड, संघटन मंत्री श्री सुनील कर्जतकर, साऊथ सेलचे अध्यक्ष श्री राजेश पिल्ले, मुंबई उपाध्यक्ष श्री वसंतराव जाधव,  मुंबई सचिव श्री हेमंत जांगला आणि धारावीतील विविध मान्यवर उपस्थित होते. यावेळी श्री प्रसाद लाड यांनी दिव्या ढोले यांच्या नेतृत्व आणि व्यवस्थापनाची स्तुती केली आणि येणाऱ्या काळात दिव्या ढोले यांना धारावीत आमदार बनण्यापासून कोणीच रोखू शकत नाही असे ते म्हणाले.

धारावीतील इतिहासात एखाद्या राजकीय पक्षातर्फे प्रथमच एवढ्या मोठ्या प्रमाणात भव्य दिव्य कला व क्रीडा महोत्सव साजरा करण्यात आला. धारावीतील हजारो युवकांनी यामध्ये मोठ्या उत्साहाने सहभाग घेतला. या कार्यक्रमाच्या यशामागे  भाजपच्या युवा नेत्या, मुंबई सचिव दिव्या ढोले यांचे कुशल नेतृत्व आणि योग्य व्यवस्थापन कामी आले. त्यांनी भाजपच्या सर्व आजी-माजी, पुरुष-महिला व सर्व आघाडीच्या पदाधिकारी आणि कार्यकर्त्यांना एकत्र आणून आपण एक यशस्वी नेता आहोत हे सिद्ध केले असे cm चषकाचा वेळी सांगितले.

दादर सार्वजनिक वाचनालय तर्फे मुंबई शहर ग्रंथोत्सव

मुंबई

एकशे अकरा वर्षाचा समृद्ध वारसा लाभलेला दादर सार्वजनिक वाचनालयात आज आणि उद्या मुंबई शहर ग्रंथोत्सवाचे आयोजन केले आहे. या महोत्सवात वाचन संस्कृती आणि ग्रंथ चळवळीला वाहिलेले दर्जेदार प्रबोधनात्मक मनोरंजनात्मक कार्यक्रमांची रेलचेल असणार आहे. ग्रंथालय संचालनालय मुंबई शहर जिल्हा ग्रंथालय अधिकारी कार्यालय आणि दादर सार्वजनिक वाचनालय यांच्या संयुक्त विद्यमानाने नावाच्या दासाराच्या धुरू नावाच्या धुरू सभागृहात या ग्रंथोत्सवाचे आयोजन केले आहे.आज10 डिसेंबर रोजी सकाळी नऊ वाजता ग्रंथ पूजन ग्रंथदिंडीने हा ग्रंथ उत्सव सुरू झाला आहे.



ज्येष्ठ साहित्यिक रत्नाकर मतकरी यांच्या हस्ते उद्घाटन करण्यात आले. मंत्रालय आणि विधिमंडळ वार्ताहर संघाचे अध्यक्ष दिलीप सपाटे मुंबई मराठी पत्रकार संघाचे अध्यक्ष नरेंद्र वाबळे आणि प्रेस क्लबचे अध्यक्ष धर्मेंद्र जोरे यांची प्रमुख प्रमुख किती होती.नंतर मुंबईचे महापौर विश्वनाथ महाडेश्वर यांच्या हस्ते ग्रंथोत्सवाचे उद्घाटन करण्यात  आले. साडे अकरा ते दीड या दरम्यान वाचन संस्कृती व ग्रंथ चळवळ कशी वाढेल या विषयावर परिसंवाद झाला आहे.

 दोन तीस ते तीन तीस या वेळात नाट्य व खुली चर्चा रंगणार आहे.मी, फॅमिली, मोबाईल आणि वाचन संस्कृती या विषयाचा  त्यात वेध घेतला जाणार आहे.साडे तीन ते सायंकाळी सहा या वेळेत साहित्यातून उमललेले स्वरतरंग कार्यक्रम रंगणार आहे.उद्या मंगळवारी सकाळी 9:30 ते दहा तीस या वेळेत महात्मा गांधी यांचे साहित्य आणि विचार या विषयावर प्राध्यापक व्याप जवाहर मुथा यांचे व्याख्यान होईल.सकाळी दहा ते अकरा या दरम्यान मराठी भाषा उपरी होते का यावर रत्नाकर मतकरी यांच्या संकल्पनेतून परिसंवाद होणार आहे.



यात सुशीला महार राव, डॉक्टर लीला गोविलकर आणि कांचन घाणेकर यांचा सहभाग होणार आहे दुपारी बारा ते एकच्या दरम्यान मराठी साहित्यातील आधुनिकता या विषयावर आधुनिकता या विषयावर रंगणाऱ्या परिसंवादात डॉक्टर शीतल पावस्कर ,लता पांचाळ, डॉक्टर प्रतिभा टेंबे या मतप्रदर्शन करणार आहेत. तर दुपारी दोन ते चार दरम्यान महाराष्ट्राचे लाडके व्यक्तिमत्व पु ल देशपांडे यांच्या जन्मशताब्दी निमित्ताने त्यांच्या आठवणींना त्यांचे कुटुंबीय उजाळा देणार आहेत. यांच्या कुटुंबातील सदस्य म्हणजे जयंत देशपांडे आणि दीपा देशपांडे यांच्या बद्दलच्या आठवणी रसिकांसमोर उलगडणार आहेत.पु लं वरचा माहितीपट घरगुती किस्से आणि त्याचबरोबर पु लंच्या शब्दात फुलं ही ध्वनिफीत रसिकांना पाहायला मिळणार आहे.तसेच महेश मांजरेकर यांची उपस्थिती राहणार आहे त्यानंतर साडे चार ते पावणे पाच या दरम्यान गाजलांजली हा कार्यक्रम श्रोत्यांनामंत्र  मुग्ध करणार आहे .सायंकाळी सहा वाजता ग्रंथोत्सवाची सांगता सोहळा होईल अशी माहिती मुंबई शहर जिल्हा अधिकारी भीमराव जीवणे अध्यक्ष दासावा चे कार्याध्यक्ष चंद्रशेखर देशमुख, प्रमुख कार्यवाह दत्ता कामथे यांनी दिली.

कुळगाव-बदलापूर पोलीस स्टेशनचा स्तुत्य उपक्रम


कुळगाव-बदलापूर पोलीस स्टेशन तर्फे पोलीस काका व पोलीस दिदी उपक्रम
काराव येथील आश्रम शाळांना मदत
बदलापूर - (कैलास जाधव)
            कुळगाव-बदलापूर (ग्रा) पोलीस स्टेशन तर्फे पोलीस काका व पोलीस दीदी या उपक्रमाअंतर्गत परिसरातील आश्रम शाळेतील मुला-मुलींना मदत करण्यात आली.
          या पोलीस स्टेशन चे एपीआय अविनाश पाटील यांच्या पुढाकाराने व आयोजनाने नकुल पाटील आश्रमशाळा काराव, डॉ. तोरसकर ज्युनियर कॉलेज काराव, आदिवासी आश्रम शाळा लावाहली येथील ५० मुला-मुलींना ब्लॅंकेट्स वाटप करण्यात आले.
       थंडीचे महिने म्हणजे हिवाळा सुरू झाल्याने येथील आश्रम शाळेतील मुलांना ब्लॅंकेट वाटप करून पोलीस काका व पोलीस दीदी हा उपक्रम आम्ही आयोजित करून या मुलांना पोलीस हे आपलेच वाटले पाहिजे व भीती न बाळगता मनसोक्त पोलीस काका व पोलीस दिदींशी बोलता यावे व संवाद साधता यावा या करिता असे उपक्रम आम्ही आयोजित करतो असे या वेळी एपीआय अविनाश पाटील म्हणाले



कैलास जाधव(प्रतिनिधी)

काल संपुर्ण महाराष्ट्रात बऱ्याच आंबेडकरी चळवळीतील कार्यकर्त्यांनी आपापल्या संघटनेच्या माध्यमातून संविधान दिन साजरा केला व संविधानाच्या प्रस्तावाचे वाचन केले.
त्याप्रमाणेच आमच्या इसरा च्या जिल्हा पदाधिकार्यांनी आपआपल्या जिल्ह्यात संविधान दिन साजरा करून संविधानाच्या प्रस्ताविकाचे वाचन केले.
ज्या मध्ये मी स्वतः अहमदनगर जिल्ह्यात कोपरगाव येथे जिल्हा पदाधिकारी तसेच इंडियन सोशल मोव्हमेंट च्या टीम सोबत संविधानाच्या प्रस्ताविकाचे वाचन केले सोबतच तेथील स्थानिक इस्रा च्या  पदाधिकाऱ्यांनी कार्यक्रमाला आलेल्या प्रत्येक पाहुण्यांना भारतीय संविधान भेट रुपात दान केले आणि हे संविधान रुपी धम्मदान सर्व पाहुण्यांना सुद्धा खूप अवडले.

                   आलेल्या पाहुण्यांनी संविधानाच्या अनेक पैलूंपैकी बरेच पैलू व्यवस्थितपणे समजावून सांगितले. आम्ही नेहमीप्रमाणे राजकारण असेल ,समाजकारण असेल किंवा धम्मकारण असेल काहीही आणि कुठलीही चळवळ चालवायची असेल तर त्या करीत आपले अर्थकारण सुद्धा तेवढ्याच जोरदारपणे केले पाहिजे तर आणि तरच आपल्या सर्व चळवळी यशस्वी होतील ह्याचा पुनरुच्चार केला .
आमचे स्पस्ट म्हणने आहे की ज्या समाजाचे अर्थकारण मजबूत आहे त्यांचे राजकारण,समाजकारण आणि धम्मकारण हे आपोआपच मजबूत होते. आणि समाजचे अर्थकारण मजबूत करायचे असेल तर समाजातील प्रत्येक कुटुंबात एक तरी लहान सहान का होईना पण उद्योग असला पाहिजे . आमचा समाज जेव्हा उद्योजकांचा समाज झालेला असेल तेव्हाच आम्ही आर्थिक दारिद्र्यतुन बाहेर पडू.आणि स्वाभिमानाने राजकारण करू .आणि जेव्हा स्वाभिमानाच्या राजकारणातून आमचे प्रतिनिधी विधानसभेत किंवा लोकसभेत पोहचतील तेव्हाच खऱ्या पद्धतीने आपल्याला संविधानाचे रक्षण करता येईल.अन्यथा कितीही संविधान साक्षरता कार्यक्रम घ्या अथवा संविधान जागर घाला परंतु आपले प्रतिनिधी विधानसभेत किंवा लोकसभेत नसतील तर मनुवादी व्यवस्था आणू पाहणारे लोक एक दिवस संविधान बद्दलविण्याशिवाय राहनार नाहीत ह्याचीही आपणास काळजी घ्यावी लागेल.
ह्या कार्यक्रमात प्रमूख पाहुणे म्हणून इंडियन सोशल मोव्हमेंट चे संस्थापक आयु आनंद होवाल सर, त्यांचे पदाधिकारी आयु सविता सोनवणे, आयु दिनेश खोल्लाम सोबत होते .

ह्याच प्रमाणे इंडियन सोसिएलिस्ट रिपब्लिकन असोसिएशन( ISRA) च्या बाकी जिल्हा पदाधिकारयांनी सुद्दा छान कार्यक्रम पार पाडले ज्या मध्ये मुंबईच्या आमच्या महिला अध्यक्ष आयु मनीषा शार्दूल ह्यांनी स्वतःच्या पायाचे फॅक्चर असतानाही सुंदर असा कार्यक्रम घेतला .ठाणे चे  जिल्हा संघटक आयु कैलास जाधव ह्यांनी  त्यांच्या कार्यकर्त्यांसंमवेत सामूहिक कार्यक्रमात भाग घेतला.पालघर जिल्हा अध्यक्ष आयु प्रमोद जाधव यांनी त्यांच्या घरीच मोजक्या कार्यकर्त्याना बोलावून संविधानाच्या प्रस्ताविकेचे वाचन केले.नंदुरबार जिल्हा संयोजक आयु मंगलदास पानपाटील ह्यांनी एका रात्रीत संविधान दिनाचा मेसेज फिरवून संविधान  प्रस्ताविकेचे वाचन भर चौकात केले.
अश्याच प्रकारे महाराष्ट्रातील अनेक जिल्ह्यात इस्रा संघटनेच्या माध्यमातून संविधान दिन साजरा केला गेला.
ह्यावरून आम्ही आज एक संकेत देत आहोत की जे पक्ष ,संघटना आज संविधान दिन साजरे करीत आहेत,येणाऱ्या काळात त्यांचेच प्रतिनिधी विधानसभेत आणि लोकसभेत संविधान दिन साजरा करतील आणि संविधान संपविण्याचे मनुवाद्यांचे कट कारस्थान उधळवून लावतील.



कैलास जाधव (प्रतिनिधी)

महाराष्ट्र :- 

मराठा आरक्षणावरून गेल्या चार वर्षात महाराष्ट्रातील सामाजिक वातावरण धगधगते असून न्यायमूर्ती गायकवाड यांच्या अध्यक्षतेखालील मागासवर्ग आयोगाने नुकताच मराठा आरक्षण संबंधित अहवाल राज्य सरकारला सादर केलेला आहे या अह
वालाचा नेमक्या तरतुदी व शिफारसी काय आहेत व त्यासंबंधी महाराष्ट्र सरकारचा कोणता निर्णय आहे हे सार्वजनिक होण्यापूर्वीच महाराष्ट्राचे मुख्यमंत्री श्री फडणवीस हे अत्यंत बेजबाबदारपणे व राज्याच्या सामाजिक स्वास्थ्याला हानिकारक व उत्तेजनात्मक बयान बाजी करीत असून आगामी निवडणुकांच्या तोंडावर महाराष्ट्रासारख्या पुरोगामी छत्रपती शिवराय व फुले-शाहू-आंबेडकरांच्या महाराष्ट्राचे सामाजिक स्वास्थ बिघडवण्याचे काम करीत आहेत जोपर्यंत सरकारचे मराठा आरक्षण अंमलबजावणीबाबत थांब धोरण नाही व मराठा आरक्षणाच्या बाबतीत न्यायालयाचा कोणताही अडसर नाही तोपर्यंत राज्याचे स्वतः मुख्यमंत्री व भाजपाने महाराष्ट्र हिताकरिता संयमाची भूमिका घेणे आवश्यक आहे
राज्यात मराठा आरक्षण धोरण स्वीकारल्यानंतर ते राबवितांना राज्यातील ओबीसी आरक्षणाला अजिबात बाधा येता कामा नये किंवा ओबीसींच्या प्रवर्गात व आरक्षणात इतरांची घुसखोरी होता कामा नये अशी बीआरटीची ठाम व आग्रहपूर्वक  भूमिका आहे
एका बाजूला मतपेटीच्या राजकारणासाठी राज्यातील भाजपा व मुख्यमंत्री हे मराठा आरक्षणाचे गाजर वारंवार राज्यातील मराठा समाज बांधवांना दाखवीत आहेत परंतु आज पर्यंत चार वर्षे झाली तरीही राज्यामध्ये ज्या मुस्लिमांच्या पाच टक्के शैक्षणिक आरक्षणाला माननीय मुंबई उच्च न्यायालयाने मान्यता निर्णय देऊन सुद्धा फडणवीस सरकारने महाराष्ट्रातील 14 टक्के मुस्लिमांच्या आरक्षणाला विरोध केला असून मुस्लिम समाज बांधवांचा अपमान केला आहे सरकारच्या या भूमिकेचा बीआरटी तीव्र निषेध करते
 मा  सर्वोच्च न्यायालयाने सहा जुलै 2017 रोजी तीन न्यायमूर्ती खंडपीठाने बोगस जातीचे दाखले घेणारे व त्याद्वारे शिक्षण नोकऱ्या व राजकारण येथील आरक्षणाचा लाभ घेणाऱ्या विरुद्ध सरकारांनी त्वरित कठोर कारवाई कराव्या अशा निर्णयानंतर सुद्धा व बी आर एस पी द्वारा दिनांक 17 नोव्हेंबर 2017 रोजी दिलेल्या कायदेशीर नोटीस त्यानंतरही फडणवीस सरकारने कोणतीही कारवाई आजपर्यंत केलेली नाही याउलट बोगस किंवा खोटे जात प्रमाणपत्र द्वारे फायदा घेणार यांना सरकारी संरक्षण देऊन माननीय सर्वोच्च न्यायालयाचा देखील अपमान केलेला आहे ही अत्यंत गंभीर बाब असून या विरोधात बी आर एस पी द्वारा मुंबई उच्च न्यायालयात याचिका दाखल करण्यात आलेली आहे
  महाराष्ट्र सरकारच्या अनुसूचित जाती जमाती आरक्षण धोरणाविरुद्ध फडणवीस सरकारची दलित-आदिवासी विरोधी भूमिका म्हणजे सरकारच्या 29 डिसेंबर 2017 रोजी सरकारी आदेशान्वये काढलेला पदोन्नती बाबतचा निर्णय होय  फडणवीस सरकारने या परिपत्रकाद्वारे मा सर्वोच्च न्यायालयाच्या दिनांक 27 सप्टेंबर 2017 रोजी दिलेल्या निर्णयाच्या चुकीचा अर्थ लावून राज्यातील खुल्या प्रवर्गातील पदोन्नतीला मान्यता दिलेली आहे परंतु मागासवर्गीयांच्या पदोन्नतीला विरोध केला असून मागासवर्गीय कर्मचाऱ्यांवर अन्याय करून फडणवीस सरकार हे कोणाच्या बाजूचे आहे याचा पुरावा दिलेला आहे सरकारच्या या धोरणाचा बी आर एस पी विरोध करते आणि आवश्यकता वाटल्यास माननीय उच्च न्यायालयात एक याचिका दाखल करणार आहे
  राज्यात धनगर आरक्षण व इतर आरक्षणासंबंधी प्रश्न प्रलंबित असताना राज्यातील ओबीसी व आदिवासी यांच्या मनात सरकारच्या प्रामाणिकता बद्दल संशय निर्माण झाला असताना व मराठा आरक्षण प्रश्नावरून राज्यात प्रस्थापित मराठा वर्ग आक्रमक झाला असताना आगामी निवडणुकीच्या तोंडावर राज्यात भाजप सरकारने व स्वतः मुख्यमंत्री फडणवीस यांनी महाराष्ट्रातील जनतेला सामाजिक ध्रुवीकरण करून ज्वालामुखीच्या तोंडावर उभे करू नये असे बी आर एस पी तर्फे सरकार व मुख्यमंत्री यांना जाहीर आवाहन करण्यात येत आहे

mumbaivarta

{google-plus#https://plus.google.com/u/0/}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget